Manaj e pëson i pari te Barcelona, ja sa do t’i reduktohet paga

Barcelona në ditët e fundit është në diskutime me senatorët e skuadrës për reduktimin e pagave, teksa deri më tani nuk ka asnjë marrëveshje. Klubi katalanas ndërkohë e ka më të thjeshtë për të marrë vendime për skuadrën e dytë.

Rey Manaj dhe shokët e tij në ekipin e dytë do të paguhen 30 për qind më pak. Klubi i Barcelonës ka bërë me dije se reduktimi i pagave do të përfshijë edhe skuadrën B, aty ku luan sulmuesi i kombëtares shqiptare i cili tashmë duhet të kënaqet me më pak të ardhura mujore nga sa thotë kontrata që ai ka firmosur me blaugranat.

Paga e marsit do të jetë e plotë, ndërkohë që reduktimi do të fillojë në prill dhe në maj.