Manchester City triumfon me përmbysje spektakolare ndaj C.Palace

Manchester City ka siguruar një fitore të rëndësishme me rezultatin 5-2 ndaj Crystal Palace, në ndeshjen e javës së 32-të të Premier League.

Sfida nisi keq për “qytetarët”, të cilët u befasuan nga dy gola të shpejtë të shënuar nga Eberechi Eze dhe Chris Richards, duke i dhënë avantazhin skuadrës mike.

Megjithatë, City reagoi shpejt dhe arriti të barazojë rezultatin para përfundimit të pjesës së parë, falë golave të Kevin De Bruyne dhe Omar Marmoush.

Në pjesën e dytë, ekipi i drejtuar nga Pep Guardiola mori plotësisht kontrollin e lojës dhe realizoi edhe tre herë të tjera, duke vulosur një përmbysje spektakolare dhe një fitore bindëse.

Me këtë triumf, Manchester City ngjitet në vendin e katërt të renditjes me 55 pikë, ndërsa Crystal Palace mbetet në pozicionin e 11-të me 43 pikë.