Manchester United blen sulmuesin Jadon Sancho nga Dortmundi

Manchester United ka arritur një marrëveshje për transferimin e Jadon Sancho nga Borussia Dortmund.  “The Sun” raportuan sot “Djajtë e Kuq” kanë fituar konkurrencën me ekipet e tjera pas muajsh të tërë bisedime sekrete me menaxherët e tij dhe drejtuesit e Borussias së Dortmundit.

20-vjeçari po shkëlqen me verdhezinjtë dhe ndiqet nga klube të shumta angleze, përfshi këtu edhe Chelsean, por duket se këmbëngulja e Ole Gunnar Solskjaer ka bërë që Manchester United të jetë një hap larg firmës me Sanchon.

Për kartonin e tij Borussia Dormtund pritet të arkëtojë një shifër prej 110 milionë eurosh, ndërsa edhe vetë mesfushori pritet të nënshkruajë një kontratë 5-vjeçare me pagë rreth 7 milionë euro në sezon.

Ndërkohë “djajtë e kuq” pritet të arkëtojnë një shifër të ngjashme nga shitja e Paul Pogba, i cili duket se do të largohet në verë te Real Madrid ose Juventus.