Marash Kumbulla flet pas transferimit te Mallorca: Jemi gati për tri pikët ndaj Espanyol

Mbrojtësi i Kombëtares shqiptare, Marash Kumbulla, i cili këtë verë zgjodhi të transferohej te Mallorca, ka folur së fundmi për përshtatjen e tij në ekipin spanjoll dhe për sfidën e radhës në La Liga.

“Ndihem shumë mirë me shokët e skuadrës dhe stafin teknik. Marrëdhëniet tona janë të shkëlqyera, si në dhomat e zhveshjes, ashtu edhe në fushë. Po punojmë shumë për ndeshjet e ardhshme,” u shpreh Kumbulla.

Sa i përket duelit ndaj Espanyolit, mbrojtësi kuqezi tregoi vendosmërinë e grupit: “Ne duam të fitojmë. Na duhen tri pikët dhe këtë e shoh çdo ditë nga mënyra se si stërviten djemtë. Ka shumë dëshirë dhe përqendrim.”

Mallorca do të përballet me Espanyolin në fundjavë, një sfidë ku skuadra e Kumbullës synon të marrë një rezultat pozitiv për të ngjitur pozitat në renditje.