Kylian Mbappe po përjeton një moment të shkëlqyer me fanellën e Real Madridit. Sulmuesi francez festoi golin e tij të 100-të me “Los Blancos” pas fitores 2-1 ndaj Barcelonës, ndërsa tashmë synon të kurorëzojë sezonin me fitimin e Topit të Artë 2026.
Mbappe u largua nga Camp Nou me një fanellë simbolike, ku ishte stampuar numri 100, duke shënuar kështu një tjetër arritje të rëndësishme në karrierën e tij. Në El Clásico-n e parë të sezonit, francezi ishte vendimtar me paraqitjen e tij, duke ndihmuar madrilenët të mposhtnin rivalët katalanas.
Me këtë arritje, 27-vjeçari është bërë lojtari i dytë që arrin kuotën e 100 golave me Real Madridin në më pak ndeshje, pas Cristiano Ronaldos.
Mbappé ka shënuar 14 gola në 13 ndeshje këtë sezon, mes La Ligës dhe Champions League, duke regjistruar gjithashtu tri asistime.
Pas paraqitjeve mbresëlënëse, sulmuesi francez synon tashmë një tjetër sukses madhor: fitimin e Topit të Artë 2026.