Mbappe synon të arrijë kuotën e 50 golave sonte ndaj Marseille

Plot 13 muaj pas mbërritjes në Madrid, Kylian Mbappé është në formën më të mirë të karrierës. Sulmuesi francez ka realizuar 48 gola që nga ndeshja e tij e parë zyrtare me Real Madrid-in dhe tani ndodhet vetëm dy rrjeta larg shifrës simbolike të 50 golave me fanellën “los blanco”. Një tregues që konfirmon ndikimin e menjëhershëm të kampionit të botës 2018, i cili debutoi me gol kundër Atalantas në Superkupën e Europës.

Sipas Marca, Mbappé e jeton çdo ndeshje si një hap drejt trofeut më të madh që i mungon, Champions League. Një objektiv i bërë edhe më i madh pas suksesit të PSG-së së Luis Enriques në sezonin e kaluar.

Ajo që e bën edhe më mbresëlënës këtë ecuri është rregullsia e tij: në shtatë nga 13 muajt e fundit, francezi ka qenë golashënuesi më i mirë i klubit, duke treguar vazhdimësi të jashtëzakonshme. Për krahasim, Cristiano Ronaldo arriti kuotën e 50 golave në 53 ndeshje; Mbappé mund ta prekë në paraqitjen e tij të 64-të, ndoshta sonte me një dopietë.

Rivali është historik: Marseille, kundërshtar i PSG-së për vite me radhë. Në 16 përballje zyrtare kundër tyre, Mbappé ka shënuar 10 herë. Një statistikë që e bën edhe më të madhe mundësinë që sulmuesi francez të shkruajë një faqe të re historie me Realin.