Mbedhja e Ligës Profesioniste, merret vendimi për bojkotin e Superiores

Ditën e sotme është mbajtur mbledhja e Ligës Profesioniste, në ambientet e “Air Albania”, ku të pranishëm ishin përfaqësues të klubeve të Superiores, si dhe sekretari i përgjithshëm i FSHF-së, Ilir Shulku, me shefin e garave, Marjus Sulejmani si dhe presidenti i Ligës, Edvin Libohova.

Bojkoti do të vijojë deri në zgjidhjen e situatës. Lajmi u konfirmua nga presidenti i Ligës, Libohova,  i cili u shpreh: “Pas diskutimeve u vendos që të vazhdojnë, deri në momentin e zgjidhjes së kërkesave. Jemi në pritje të një takimi me qeverinë. Vendimi për të vazhduar bojkotin ishte unanim.”