Mbrojtësi i Tottenham bën aksident me makinë, arrestohet nga policia

Mbrojtësi anglez i Tottenham Danny Rose është arrestuar nga policia në Northampton, pasi është përfshirë në një aksident shumë të rrezikshëm në orët e para të mëngjesit të të mërkurës.

Burime për mediat angleze thonë se 30-vjeçari ishte duke lëvizur me shpejtësi tej normave të lejuara dhe u përplas me një barrierë anësore rreth orës 04:00 të mëngjesit, ndërsa thuhet se Rose kishte rrezikuar edhe jetën nga aksidenti.

Pas ngjarjes mbrojtësi u arrestua nga policia lokale, e cila mori edhe dëshminë e tij për rastin, ndërsa gjasat janë që sot të lihet i lirë dhe t’ia hedhë paq me vetëm një gjobë të majme. Mbrojtësi 30-vjeçar nuk bën pjesë në planet e trajnerit Jose Mourinho dhe është lënë jashtë listës së federimeve për Premier dhe Europa Leaguen.