Mbyll karrierën legjenda Undertaker

WrestleMania33 përfundoi me një notë emocionale pasi një nga ikonat mundjes, legjenda Undertaker ka njoftuar tërheqjen e tij.

Legjenda e Wrestling ka dhënë betejën e fundit të tij historike në WrestleMania. Më pas ai ka lënë në qendër të ringut kapelen, dorashkat dhe pallton e tij të gjatë dhe është larguar.

Thashethemet për tërheqjen e tij kanë muaj që qarkullojnë për shkak se ikona e ringut kishte zhvilluar më pak performaca dhe kishte marrë shumë dëmtime.

Karriera e tij ka filluar në mesin e viteve ’80 e deri më sot. Legjenda Undertaker është i njohur për taktikat e tij.

Në vitin 1991, në kampionatin WWF, ai mposhti simbolin e kësaj disipline Hulk Hogan. Ky sukses e ka bërë atë kampionin më të ri në histori në moshën 26 vjeç dhe me kalimin e viteve ai kaloi në vendin e katërt. Undertaker ka qenë një pikë kyçe e historisë dhe ndeshjeve të WWF.