Mendes: Ronaldo është më i miri në histori të futbollit

Jorge Mendes ka thënë se Cristiano Ronaldo është lojtari më i mirë në histori të futbollit edhe pse nuk arriti ta fitonte ”Topin e Artë”. Portugezi në këtë vit ishte në vendin e tretë për trofeun më të madh për një lojtar, pasi përfundoi pas Lionel Messit dhe Virgil van Dijkut.

Argjentinasi fitoi ”Topin e Artë” të gjashtë në karrierë, duke e lënë pas vetes 34-vjeçarin me pesë sosh, por që agjenti i këtij të fundit ka deklaruar se tashmë dihet se kush është lojtari më i mirë në histori të futbollit. “Cristiano është lojtari më i mirë në histori dhe ju e dini këtë”, ka thënë Mendes në ceremoninë Gran Gala del Calcio.

Presidenti i Barcelonës, Jospe Maria Bartomeu, ka një pamje më ndryshme, pasi ka thënë se Messi është më i miri në histori. Ronaldo arriti të fitonte çmimin e lojtarit të vitit në Serie A dhe nuk mori pjesë në ceremoninë e Topit të Artë që u mbajt në Paris të Francës.