Meraku i policisë është kur autobusi i ekipit serb do të hyjë dhe do të ikë nga stadiumi

Atmosfera duket elektrizuese me tifozët kuqezi, ndryshe paraqitet situata në pjesën tjetër të Tiranës, në Bulevardin Gjergj Fishta, aty ku është akomoduar përfaqësuesja e Serbisë.

Situata për momentin është e qetë aty, por policia ka merakun vetëm kur autobusi i ekipit serb do të hyjë në stadium apo kur të dalë, pasi ka shumë tifozë. Ndërsa për dronët duket se nuk do të jetë problem, pasi janë marrë masat e duhura.

Forcat policore janë prezente, por për momentin gjithçka është e qetë, ndoshta ngaqë është koha e pushimit. Më pas kur të shoqërohen drejt stadiumit do të ketë forca të shtuara. Policia ka merakun vetëm sjelljen e tifozëve tanë gjatë futjes apo daljes në stadium pas mbarimit të ndeshjes.

Do të ketë agjentë të infiltruar brenda tifozërisë. Gjithashtu ka masa anti-dronë, madje edhe qitës për të rrëzuar çdo tentativë të futjes së tyre.