Merkato është mbyllur, por ja lista e super yjeve që kanë mbetur pa ekip

Merkatoja e transferimeve është mbyllur, por disa emra të mëdhenj të futbollit europian kanë mbetur pa skuadër dhe tani janë në kërkim të një aventure të re.

Në listën e lojtarëve të lirë spikat Paul Pogba. Ish-mesfushori i Manchester United u largua nga Monaco pas vetëm gjashtë paraqitjesh, pas rikthimit në futboll pas pezullimit për doping. Në moshën 33-vjeçare, francezi tashmë është në pritje të ofertave të reja.

Edhe ish-yjet e Arsenalit, Oleksandr Zinchenko, Raheem Sterling dhe Neto, janë pa klub. Zinchenko pati një periudhë të vështirë te Nottingham Forest dhe Ajax, ndërsa Sterling nuk arriti të bindë gjatë aventurës së fundit te Feyenoord.

Një tjetër emër që kërkon skuadër është Jadon Sancho, i cili mund të transferohet në Brazil te Palmeiras.

Në treg mbeten gjithashtu Anthony Martial, Renato Sanches dhe Yves Bissouma, ndërsa nga Real Madridi janë larguar Dani Carvajal dhe David Alaba.

Në sulm, emri më i bujshëm është Karim Benzema, ndërsa edhe Riyad Mahrez dhe Mauro Icardi janë të lirë për të firmosur me një klub të ri.