“Messi meksikan” në histori, debutoi vetëm në moshën 15 vjeç

Luka Romero debutoi mbrëmjen e djeshme vetëm në moshën 15 vjeç kundër Realit. I lindur në Meksikë, i quajtur “Messi meksikan” debutoi në elitën e futbollit spanjoll me Mallorca, në ndeshjen e javës së 31-të në stadiumin “Alfredo Di Stefano”.

I hedhur në fushën e blertë në minutën e 82-të kundër merengues, talenti i ri, që tashmë ka luajtur me ekipet e të rinjve të Argjentinës, nuk pati pothuajse asnjë kontakt me topin.

Me 15 vite e 219 ditë, Luka Romero u bë lojtari më i ri, që debuton në La Liga. 36 ditë janë ato që e ndajnë atë nga spanjolli Francisco Bao “Samson”, i cili debutoi në moshën 15 vjeç dhe 255 ditë.

Pesë lojtarët më të rinj që kanë debutuar në La Liga

1. Luka Romero | 15 vjet 219 ditë
2. Francisco Bao “Samson” | 15 vjet 255 ditë
3. Pedro Irastorza | 15 vjet 288 ditë
4. Carscar Ramón | 15 vjet 289 ditë
5. Branko Kubala | 16 vjet 83 ditë