Milan dhe Arsenal hipotekojnë kualifikimin, Dortmundi mund Atalantën (VIDEO)

Milan dhe Arsenal thuajse kanë siguruar një biletë për në fazën e 1/8-ve në Europa League. “Topçinjtë dhe kuqezinjtë kanë fituar pastër 3-0 ndeshjet e para, të cilat i luajtën në transfertë. Ekipi i Gatuzos fitoi me lehtësi ndaj Ludgorets. Kutrone zhbllokoi ndeshjen në minutën e fundit të pjesës së parë, ndërkohë që në fraksionin e dytë, ishte fillimisht Rodriguez nga pika e bardhë në minutën e 64-t dhe më pas Fabio Borini që vulosën rezultatin e këtij dueli që nuk kishte shumë histori.

Të njëjtën rezultat mori edhe Arsenali në transfertën ndaj Oestersunds. Skuadra e Venger shënoi dy gola në pjesën e parë me Moreal dhe Papajanopulos, teksa ky i fundit e dërgoi topin në rrjetën e tij. Mesut Ozil shënoi golin e tretë në minutën e 58-të, ndërkohë që Peterson humbi një penallti për vendasit në minutën e fundit.

Spektakël dhe gola dhuroi dhe ndeshja ndërmjet Dortmund dhe Atalantës, por triumfuan vendasit me rezultatin 3-2. Veigël shënoi fillimisht për vendasit ndërkohë që Iliçiç përmbysi rezultatin në pjesën e dyta. Ndeshja nuk u mbyll këtu, pasi Batshuai u kundërpërgjigj me një dopietë.  Gjithsesi skuadra e Berishës është favorite për të kaluar në turin tjetër pa këtij rezultati.