Milan pranë mbrojtësit të talentuar të Barcelonës, por ka çmim “të kripur”

Jean-Clair Todibo la gjurmë në ndeshjen ndaj Interit që luajti në Champions League, duke tërhequr vëmendjen e rivalëve të qytetit Milan. Mbrojtësi francez  shihet si një futbollist me shumë prespektivë dhe mund të zërë një vend në formacionin e kuqezinjve që kanë shfaqur shumë probleme në mbrojtje këtë sezon.

Problem për momentin mbetet çmimi i kartonit të tij. Barcelona e vlerëson 25 milionë euro ndërkohë që Milan është gati për të ofruar deri në 15 milionë euro. Distanca për momentin është e konsiderueshme mes palëve, por mund të gjendet edhe akordi gjatë janarit.

Blaugranët mund të përfshijnë edhe një klauzolë riblerje, për të shmangur ndonjë shpërthim të mbrojtësit, në mënyrë që ta kenë të thjeshtë për ta rimarrë në “Camp Nou”. /R.Lika-Koha Jone/