Milan shënon dy herë kundër Strakoshës (VIDEO)

Milani ka marrë sërish tre pikë në kampionat duke mposhtur në “San Siro” skuadrën e Lazios.

Kuqezinjtë e drejtuar nga Viçenzo Montela fituan ndaj Lazios me rezultatin e pastër 2-0 duke dominuar për 90-minuta takimin.

Goli i parë për Milanin u shënuar nga i përhershmi Carlos Bacca që shënoi golin e pestë sezonal në pesë ndeshje të luajtura.

Për të vulosur shifrat mendoi sulmuesi tjetër Niang që shënoi nga pika e bardhë e 11-metrave duke u treguar i saktë në gjujtje.

Ndërkohë në këtë sfidë u aktivizua që nga minuta e parë portieri shqiptarë Thoma Strakosha që bëri një paraqitje mjaft të mirë, ku nuk kishte asnjë faj në pësimin e golave.

Pas kësaj fitoreje Milani ngjitet në vëndin e tretë me 9-pikë, ndërsa Lazio renditet në vëndin e shtatë me 7-pikë të grumbulluara.