Milani fiton ndaj Napolit, vendos goli i Theo Hernandez

Milan merr një fitore shumë të rëndësishme ndaj kampionëve në fuqi të Italisë, Napolit, në javën e 24-ët të Serie A. Skuadra e Piolit mori një sukses minimal 1-0 në San Siro.

Takimi u zhbllokua në minutën e 25-të, ku pas një kombinimi perfekt me Leao-n, Theo gjeti rrugën drejt rrjetës dhe kaloi Milan-in në avantazh.

Napoli provoi në disa raste që të gjente golin e barazimit, por deri në fund rezultati nuk do të ndryshonte. Milan renditet në vend të tretë me 52 pikë, ndërkohë që Napoli renditet në vend të nëntë me 35 pikë.