Milani hidhet në sulm për yllin e United, Marcus Rashford

Marcus Rashford mund të transferohet te Milani në merkaton e dimrit. Palët janë në bisedime të avancuara dhe ekziston mundësia që të arrihet një marrëveshje në ditët e ardhshme, në formë huazimi.

Në këtë situatë, Milani e ka bërë gati edhe vendin, duke larguar një sulmues. Noah Okafor do të vazhdojë karrierën në Gjermani.

Leipzig dhe klubi italian kanë mbyllur akordin mes tyre, për huazimin e futbollistit deri në fund të sezonit, me mundësi blerje për 25 milionë euro.

Sulmuesi zviceran është nisur drejt Gjermanisë për detajet e fundit, ndërsa për të kjo do të jetë aventura e parë në Bundesligë, pasi ka luajtur më herët në Itali, Austri dhe Zvicër.