Miqësorja ndaj Kilit, Sylvinho preferon si titullar Rey Manaj

Kombëtarja shqiptare është gati për ndeshjen e parë të këtij viti.

Kuqezinjtë përballen me Kilin në “Ennio Tardini” të Parmës (Itali) për herë të parë në histori kundër kombëtares kiliane. Ekipi kilian mbetet ekip i fortë, pasi ka bërë ndeshje spektakolare ndaj Brazilit dhe Argjentinës.

Sylvinho ka zgjedhur titullarët e sotëm; Thomas Strakosha portier, teksa qendra e mbrojtjes formohet nga kapiteni Berat Gjimshiti dhe Enea Mihaj, me 25-vjeçarin që rimerr vendin e Ismajlit. Nga krahët do jenë Mario Mitaj dhe Elseid Hysaj.

Mesfusha është e njëjta me atë të eliminatoreve. Ylber Ramadani dhe Kristjan Asllani. Pak më lart Nedim Bajrami. Në sulm rikthehet titullar Rey Manaj pas një kohe të gjatë.

Shqiperia (4-3-3): Strakosha; Hysaj, Gjimshiti, Mihaj, Mitaj; Ramadani, Asllani Bajrami; Manaj, Asani, Seferi.