Modric bëhet zyrtarisht bashkëpronar i klubit anglez

Luka Modric ka hedhur një hap të ri në karrierën e tij, këtë herë jashtë fushës së lojës. Mesfushori kroat është zyrtarisht bashkëpronar i klubit anglez të Championship-it, Swansea City.

“Swansea është një klub me identitet të qartë, tifozë të jashtëzakonshëm dhe ambicie për të konkurruar në nivele të larta. Kjo është një mundësi emocionuese për mua. Shpresoj që përvoja ime në futbollin elitar të ndihmojë në rritjen dhe suksesin e klubit në të ardhmen,” u shpreh Modric.

Vetë klubi konfirmoi lajmin nëpërmjet një njoftimi zyrtar: “Swansea City ka kënaqësinë të njoftojë se fituesi i Topit të Artë, Luka Modric, i është bashkuar klubit si investitor dhe bashkëpronar.”