Mourinho i përgjigjet kritikave pas fitores me Interin: Mund të shënonim 8 gola!

Jose Mourinho ka dalë në mbrojtje të Real Madridit pas kritikave të shumta për paraqitjen ndaj Interit. Në prag të sfidës me Rayo Vallecano, trajneri portugez reagoi ndaj atyre që e konsideruan fitoren e madrilenëve të rëndësishme, por jo bindëse.

Real Madrid triumfoi ndaj Interit në Champions League, por mënyra e lojës së skuadrës ka hapur diskutime, veçanërisht për aspektin defensiv. Mourinho, megjithatë, nuk është dakord me kritikët.

“Thonë se nuk mbrojtëm mirë dhe se mund të pësonim katër gola. Por askush nuk përmend faktin se mund të kishim shënuar tetë”, deklaroi Mourinho.

Trajneri portugez theksoi se në shumë ndeshje të Champions League ekipet luajnë me frikë, duke shmangur rreziqet, gjë që sipas tij i bën sfidat më pak spektakolare.

“Ka ndeshje të Champions League ku skuadrat kanë frikë, nuk marrin rreziqe dhe tifozët kthehen në shtëpi të zhgënjyer. Por pse askush nuk e thotë këtë? Nuk janë të kënaqur që ne fituam?”, shtoi ai.

Në fund, Mourinho kërkoi unitet rreth skuadrës dhe theksoi se rezultati pozitiv duhet të vlerësohet.

“Duhet të qëndrojmë të bashkuar”, përfundoi trajneri portugez, duke i dhënë fund polemikave rreth fitores ndaj Interit.