Musiala paralajmëron Leverkusenin: Jemi të motivuar, duam tituj këtë sezon!

Ylli i Bayernit, Jamal Musiala është i bindur se skuadra rekordmene në Gjermani do të rikthehet në majën e futbollit pas një sezoni të vështirë. Ai ka paralajmëruar dhe rivalët e Leverkusenit në garën për titull.

“Ne jemi shumë të motivuar. Sezonin e kaluar nuk fituam asnjë titull dhe nuk duam të përsërisim përvojën e hidhur. Të gjithë këtu janë fitues, ne duam të fitojmë tituj. Nëse nuk jemi 100% gjatë gjithë sezonit dhe nuk japim gjithçka në çdo ndeshje, nuk do t’i arrijmë qëllimet tona..

Nëse jemi të gjithë të pranishëm si skuadër, do të bëjmë përparim në lojë pas çdo ndeshje. Ne duhet të shikojmë veten, thjesht të jemi më të mirë dhe të bëjmë gjërat që duam të bëjmë dhe të bëjmë hapa përpara. Kështu që kur të luajmë kundër Leverkusen të jemi në nivel të mirë.

Dua të vazhdoj të shënoj gola dhe të mbledh asistime. Gjithsesi, unë dua ta ndihmoj skuadrën të fitojë tituj”, tha Musiala.