Napoli arrin marrëveshjen me sulmuesin e Manchester United

Napoli ka gjetur përforcimin e ri për repartin ofensiv. Sipas raportimeve të Sky Italia, klubi italian ka arritur një marrëveshje verbale me Manchester United për huazimin e sulmuesit danez Rasmus Hojlund, me një opsion blerjeje të detyrueshëm që arrin në 45 milionë euro.

Højlund, 22 vjeç, shihej si një objektiv i rëndësishëm edhe për Milanin, por “Partenopei” kanë lëvizur shpejt duke fituar garën për shërbimet e tij. Sulmuesi pritet të marrë rolin e zëvendësuesit të Romelu Lukakut, i cili është jashtë fushës për shkak të një dëmtimi.

Transferimi pritet të zyrtarizohet në ditët në vijim, duke i dhënë trajnerit Antonio Conte një armë të re për repartin ofensiv.