LIVE/ Napoli feston titullin kampion, sfilatë madhështore me autobus të hapur përmes qytetit

FESTA LIVE

Sot është dita e festimeve në Napoli për fitoren e titullit kampion. Pas shpalljes kampion për herë të katërt në historinë e klubit, skuadra napolitane do të festojë me tifozët në rrugët e qytetit. Dy autobusë të hapur do të nisin paradën festive sot, në orën 15:00.

Së bashku me futbollistët do të jenë edhe presidenti i klubit Aurelio De Laurentiis, trajneri Antonio Conte, si dhe balerini napolitan Stefano De Martino, që do t’i bashkohet festimeve për të nderuar identitetin dhe kulturën lokale.

Sfilata do të jetë rreth 2.5 kilometra e gjatë dhe do të përfundojë në Piazza Vittoria, ku është parashikuar kulmi i festimeve me tifozët napolitanë që do të festojnë titullin e shumëpritur bashkë me skuadrën e tyre.