Napoli triumfon ndaj Milanit dhe mban nën presion Interin

Napoli merr një fitore të rëndësishme 2-1 ndaj Milanit në “Diego Armando Maradona” në kryendeshjen e javës së 30-të në Serie A. Vendasit shënuan që në minutën e parë, pas një topi të marrë nga Di Lorenzo, Politano tregon aftësitë e tij sulmuese duke kaluar mbrojtësit e Milan dhe dërgon topin në rrjetë.

Në minutën e 20-të, Lukaku dyfishon shifrat për Napolin, belgu shënoi pas asistit të marrë nga Billy Gilmour. Në minutën e 67-të,  Milan fiton penallti me Theo Hernandez, por Gimenez e humbet.

Holandezi e shlyen gabimin pak minuta më vonë, ku pas një asisti fantastik të Theo Hernandez, holandezi dërgon topin në portën e mbrojtur nga Meret.  Napoli mbetet në vendin e dytë me 64 pikë, 3 më pak se Interi kryesues, ndërkohë që kuqezinjtë renditen në vendin e 9-të me 47 pikë, larg çdo objektivi për këtë sezon.