Ndahet nga jeta prej koronavirusit sportisti shqiptar

Si edhe është raportuar së fundmi është shtuar numri i moshave të reja të cilat preken prej koronavirusit me simptoma të rënda pavarësisht se nuk kanë asnjë sëmundje tjetër.

Fatkeqësisht prej pandemisë Covid-19 ka ndërruar jetë ish-karateisti 38-vjeçar, Flamur Shasha.

Shasha ka qënë trajner i klubit te karatesë Ippon Peja. Ai ishte ndër karateristët më të mirë të gjeneratës së tij në Kosovë.

Lajmin e trishtë për vdekjen e Shashës e ka bërë të ditur Federata e Karatesë së Kosovës me anë të një njoftimi në rrjetet sociale, ku i shpreh dhe ngushëllimet familjarëve.

Me pikëllim te thellë morëm lajmin për ndarjen nga jeta të ish-karateistit, trajnerit nga klubi i karatesë Ippon Peja Flamur Shasha. I ndjeri ishte nder karateistët me mirë te gjeneratës se tij kosovare, ku ishte shumë i përkushtuar në karate. Shasha ishte kampon i shumëfishte i Kosovës junior dhe seniorë dhe anëtar Përfaqësueses se Kosovës, ku ai kontriboj shumë në avancimin te karatesë pejane dhe kosovare se bashku me shumë bashkëgarues Prandaj në emrin tim, te bordit drejtues te FKK-së trajnerëve, gjyqtarëve dhe gjithë komunitetit te karatesë kosovare u shprehu ngushëllimet me te sinqerta familjes Shasha qe do te mbetet çdo herë në kujtese e komunitet te karatesë mbare shqiptare.