Ndeshja e 100-të me fanellën zikaltër, ja urimi i Atalantës për Gjimshitin

Berat Gjimshiti është një nga futbollistët më në formë të Kombëtares sonë, i cili ka pasur një vazhdimësi fantastike te skuadra e Atalantës. Për trajnerin Gasperini ai është një futbollist i pazëvendësueshëm në mbrotje.

Mbrëmë, Gjimshiti ishte pjesë thelbësore e suksesit ndaj Napolit, duke siguruar finalen e Kupës së Italisë, ku do të përballet me Juventusin. Duke sfiduar Hysajn dhe Rrahmanin, pikërisht mbrëmë, shqiptari i Atalantës rrumbullakosi plot 100 ndeshje me fanellën zikaltër.

Klubi i tij e ka evidentuar këtë fakt në faqen zyrtare: “Jo keq të festosh 100 ndeshje me fanellën zikaltër! Urime Berat!”.