Në Angli shënohet autogol i çuditshëm nga mbrojtësi i Wolves (VIDEO)

Jackson Tchatchoua u bë protagonist i një prej autogolave më të çuditshëm të javës, teksa mbrojtësi i Wolves dërgoi topin në portën e tij në barazimin 2-2 ndaj Birminghamit.

Mbrojtësi 24-vjeçar tentoi t’ia kthente topin portierit të Wolves, José Sá, por pasimi i tij mori shumë fuqi dhe përfundoi në rrjetën e skuadrës së vet. Ngjarja ndodhi në minutën e 36-të të sfidës së Championship-it. Tchatchoua ishte nën presionin e një lojtari kundërshtar, ndërsa topi i mbërriti në një moment jo të favorshëm.

José Sá reagoi menjëherë dhe u përpoq të shpëtonte situatën, por nuk mundi të ndalte topin. Tchatchoua mbeti i dëshpëruar pas episodit, ndërsa autogoli i tij i dha Birminghamit avantazhin 2-1. Në fund, ndeshja përfundoi në barazim 2-2, por gabimi i mbrojtësit të Wolves ishte padyshim një nga momentet më të veçanta të takimit.