Në Gjermani e gjejnë zgjidhjen për dyert e mbyllura, me tifozë prej … kartoni

Bundesliga përgatitet për rifillimin e kampionatit me dyer të mbyllura për shkak të emergjencës koronavirus. Por stadiumi i boshatisur është një pamje shumë e trishtë dhe asnjë nga lojtarët nuk dëshiron ta shohë.

Ndaj në shkallët e tribunave të Borussia Park, shtëpia e Borussia Mönchengladbach, janë instaluar kartonë me foto të tifozëve. Ata nuk mund të mbështesin futbollistët në fushë me brohërima, por të paktën krijojnë iluzionin se ka njerëz në stadium.