Në Spanjë nuk kanë dyshime: Morata kërkon transferimin te Barcelona

Massimiliano Allegri u shpreh se e ka bindur Moratën për të qëndruar deri në fund të sezonit, por në Spanjë nuk e besojnë këtë gjë. Mediat pranë klubit katalans shkruajnë se sulmuesi spanjoll do të insistojë duke kërkuar largimin te Barça, deri në sekondat e fundit të këtij sesioni të merkatos, në mënyrë që të largohet nga Torino dhe të veshë fanellën “blaugrana”.

Në Itali e kanë kuptuar diçka të tillë dhe tek Juve, duke qenë të vetëdijshëm për dëshirën e Morattas, por fokusohen për të gjetur se cili mund të jetë zëvendësuesi i tij, që, siç ka deklaruar vetë Allegri, nuk mund të jetë një “top-player”.

Operacion aspak i lehtë dhe për këtë arsye vetë trajneri ka dashur të blindojë Moratën. Nëse PSG nuk pranon një huazim pa përcaktuar detyrimin e blerjes dhe nëse paga e lartë e Icardit nuk ndahet mes dy klubeve, atëherë vështirë se bardhezinjtë do të këmbëngulin deri në fund.