Nga Hysaj te Messi, lista e yjeve që mund të largohen falas në verë

Merkatoja e janarit hapet zyrtarisht në datën 4, por mbi të gjitha ajo e verës së ardhshme do të ofrojë mundësi të arta për klubet në të gjithë Europën për të bërë transferime të bujshme lojtarësh.

Në listë, janë emra të mëdhenj të futbollit, të cilëve u mbaron kontrata në verën e vitit 2021. Mundësi për këta lojtarë janë 3, të rinovojnë kontratën me klubin aktual, të transferohen që në merkaton e janarit ose të dalin lojtarë të lirë në verë.

Në krye të listës është Lionel Messi, ndërsa nga klubet që janë më në vështirësi mund të përmendim Milanin, të cilit do t’i duhet shumë punë për të mbajtur në skuadër portierin Donnarumma apo mesfushorin Calhanoglu.

Në këtë listë është edhe Elseid Hysaj, i cili pritet që të largohet nga Napoli gjatë verës, ashtu si Milik dhe Maksimovic. Një tjetër emër i madh në arenën europiane është Sergio Ramos, i cili vështirë se do të rinovojë kontratën.  Depay, Di Maria, Sergio Aguero, Lucas Vazquez apo Diego Costa janë emrat e tjerë që tërheqin jo pak vëmendje për t’u transferuar falas në verë.