Nga mbrëmja e ëndrrave në makth, Leoni dëmtohet rëndë te Liverpooli

Gjithçka dukej e përgatitur për një natë të paharrueshme për mbrojtësin italian Giovanni Leoni. Pas mosgrumbullimeve të para në ndeshjet e kampionatit me Liverpool-in, trajneri Arne Slot vendosi t’i jepte një shans titullari 18-vjeçarit kundër Southampton-it në Kupën e Ligës.

I ardhur nga Parma, Leoni e shfrytëzoi mundësinë duke zhvilluar një paraqitje të shkëlqyer. Ai fitoi menjëherë simpatinë e tifozëve “The Reds” falë soliditetit dhe pjekurisë që tregoi në fushë, pavarësisht moshës së re.

Por gëzimi nuk zgjati shumë. Në minutat e fundit të ndeshjes, duke tentuar të ndalte një aksion të kundërshtarit, mbrojtësi italian pësoi një dëmtim të rëndë. Leoni kërkoi menjëherë ndihmën e stafit mjekësor dhe u largua nga fusha me barelë.

Sipas të dhënave të para, dyshohet për një dëmtim serioz në gju, ndërsa klubi është në pritje të ekzaminimeve mjekësore për të përcaktuar shkallën e dëmtimit.

Very nasty whack for Leoni, but doesn’t look like anything to indicate an ACL or otherwise? pic.twitter.com/RpOlzKS68g

— Luke 🏴󠁧󠁢󠁷󠁬󠁳󠁿 (@_ShutUpLuke) September 23, 2025