Olise shënoi super gol te Franca, por do të habiteni nga reagimi i Zidane (VIDEO)

Franca mori një fitore dramatike 1-0 ndaj Belgjikës në Nations League, me golin e Michael Olises në minutën e 88-të që vendosi fatin e takimit.

Por përtej golit të vonë dhe trepikëshit të rëndësishëm, një tjetër moment tërhoqi vëmendjen gjatë sfidës. Ishte reagimi i trajnerit francez, Zinedine Zidane, në momentin kur topi përfundoi në rrjetë

I përfshirë plotësisht në emocionet e ndeshjes, Zidane nuk e fshehu entuziazmin. Trajneri francez shpërtheu në festë pranë vijës anësore, vrapoi për disa metra dhe, në kulmin e momentit, goditi me forcë një top që ndodhej mbi një kon.

Pamjet e festimit të pazakontë të “Zizou”-s u përhapën me shpejtësi në rrjetet sociale, duke tërhequr vëmendjen e tifozëve.

Goli i Olises në minutat e fundit i siguroi Francës fitoren 1-0, ndërsa për Zidane ishte triumfi i dytë radhazi që prej marrjes së drejtimit të kombëtares franceze.

Këtë herë, megjithatë, festa e trajnerit ishte po aq spektakolare sa edhe goli që vendosi ndeshjen.