Osasuna shtang Real Madridin me një gol në “frymën e fundit”

Në javën e 25-të të La Liga, Osasuna arriti një fitore surprizuese 2-1 ndaj Real Madrid në stadiumin El Sadar Stadium. Vendasit e nisën më mirë ndeshjen në pjesën e parë. Në minutën e 38-të, Ante Budimir realizoi golin e avantazhit për Osasunën nga pika e bardhë.

Në pjesën e dytë, Reali tentoi të riorganizojë lojën dhe të barazojë shifrat, me Viniciusin që u bë rrezik real për portën e vendasve, duke humbur dy raste të pastra. Megjithatë, në minutën e 72-të, Vinicius arriti të barazojë rezultatin pas një krosimi të bukur nga Valverde.

Sfida u bë më dramatike në minutat e fundit, kur Kylian Mbappé humbi një rast të pastër për Realin, ndërkohë që Raúl García shënoi golin vendimtar për Osasunën në minutën e 90-të, i konfirmuar pas konsultimit me teknologjinë VAR.

Me këtë fitore, Osasuna ngjitet në vendin e nëntë me 33 pikë, ndërsa Real Madrid mbetet kryesuese me 60 pikë, përkohësisht në krye të tabelës.