Pejiç i jep fitoren Kukësit ndaj Vllaznisë

E mbylli 2016-ën si kampion e dimrit dhe ruan kryesimin edhe në javën e parë  të fazës së tretë. Me një sulmues si Pero Pejic Kukësi arrin të fitojë edhe atëherë kur në shkëlqen në lojë. Falë një perlë të kroatit nga goditja e lirë, skuadra e Gjokës fitoi minialisht me Vllazninë brenda në “Loro Borici”, rezultat që vë nën presion Partizanin dhe Skënderbeun në këtë start të 2017-ës.

Cungu duke duke marrë në konsidertatë forcën sulmuese të Kukësit i besoi rreshtimit 4 – 2 – 3 -1 duke zhvendosur Endri Vrapin para mbrojtjes, ndërsa në vijën e parë të sulmit rreshtoi të vetëm Brunild Pepën, i mbështur nga Shtubina e Cinari nga krahët.

Gjoka, në skemën klasifike 4-4-2, u besoi nga krahët e mesfushës dy elementëve me tiparë të theksuara sulmuese si Dvornekovic dhe Karioka, ndërsa në krahun e majtë të mbrojtjes debutoi Rrumbullaku.

Ndeshja nisi me ritëm të lartë, me Kukësin që mori iniciativën në gjysmëfushën e Vllaznisë, megjithatë shkodranët rrezikuan të parët në minutën e shtatë me Cinarin, që nuk i dha forcën e duhur topit pas këmnëguljes së Shtubinës nga e majta.

Zëvendësim i detyruar për Kukësin në minutën e 12-të, Memini zbret në fushë në vend të Pashajt.

E gabuar shënjestra e Cicmil në të 23-ën me kokë në momentin e një goditjeje standarde. Në të 34-rën vjen rasti i parë i rrezikshëm në portën e Vllaznisë, në momentin e fundit kroatit Dvornekovic i ndërhyn Cicmil. Devijimi i Meminit 39-ën pas krosimit të Vecajt vë në alarm Kolicin, por topi përfundon jashtë.

Edhe pjesa e dytë nis më mirë për Vllaniznë, që rrezikon në të 52-ën me Shtubinën, që gjen në pozocion Kolicin. Gjoka ndërhyn në formacion në të 56 me një ndërrim brazialianësh, Elton Cale ul në stol Kariokën, i cili nuk ka marrë ngarkesën e duhur fizike gjatë janarit.  Qëndrore goditja e Eminit në të 63-ën, kontrollon i sigurt Agovic.

Tregon reflekeset e tij Kolici në të 74-ën, pas goditjes së Pepër brenda zonës. Topi i devijuar në portieri përfundon kashtë ngjitur me shtyllën. Tejetër zëvendësim për Kukësit me Gurin që merr vendin e Dvornekovic. Vjen momenti që vendosi fatin e sfidës, pas një gabimi të Pjeshkës në mbulimin e kundërshtarit në të 84-rë. Ekzekutim perfekt i goditjes së lirë nga Pero Pejic, me topin që përfundoi në trekëndësh. Për kroatin ky ishte goli i tretë sezonal i shënuar në portën kuqeblu.

Vllaznia tenton gjithcka në minutat e mbetura për të shmangur humbjen, por përballet me një mbrojtje shumë të kujdesshme të verilindorëve. Drithërima në portën e Kukësit në minutën e tretë shtesëm Kolici me majat e gishtave e con topin në këndore. Pak sekonda më pas vjen vërshëllima e fundit e Kocit, që dëshpëroi futbollistët vendas, të cilët meritonin më tepër nga kjo përballje.