Përballë Sopotit, Faruk Sejdini shpresa e fundit e Dinamos për Superioren

Sporti E Diel, 18 Prill 2021 22:47

Ekipet pretendente për Kategorinë Superiore mund të qartësohen pas rezultateve të javës së 19-të të Kategorisë së Parë, që do të zhvillohet këtë të shtunë. Ekipet kryesuese do të përballen më kundërshtarë ndjeshëm më inferior, por do të ketë edhe përplasje si ajo mes Sopotit e Dinamos. Blutë pas disa rezultateve zhgënjyese kanë rkthyer në stol trajnerin legjendar Faruk Sejdini, nën drejtimin e të cilit fituan një nga titujt e fundit kampion. Në Grupin B, dy skuadrat kryesuese kanë sfida të lehta në letër. Lushnja pret në Roza Haxhiu Naftëtarin e vendit të fundit, ndërsa Bylisi Luftëtarin. Në të tre takimet e mbetura, Butrinti-Shkumbini, Sopoti-Dinamo dhe Tomori-Pogradeci, gjithcka mbetet e hapur, pasi edhe diferencat mes skuadrave në cilësi por edhe në renditje janë të vogla. Të gjitha takimet e Kategorisë së Parë do të luhen në orën 15:00.

Në Grupin A të kësaj kategorie, Tërbuni, Mamurrasi dhe Besëlidhja, që kryesojnë renditjen, vështirë se do të lënë pikë në ndeshjet shtëpiake. Për pukjanët përballja me Veleçikun e vendin të futet mbetet formalitet, por as Kastrioti dhe dhe Ada nuk pritet t'u hapin probleme mamurrsakëve dhe lezhjanëve. Rezultatet e dy takimeve të tjera të këtij grupi Burreli-Besa dhe Iliria-Kamza, thuajse nuk do të kenë asnjë ndikim për sa i përket garës për në Superiore.