Përgjigjet e tamponëve: Çlirim te Napoli, pozitiv vetëm një lojtar i të rinjve
Kanë dalë përgjigjet e tamponëve të radhës te Napoli. Pjesëtarët e klubit të Serie A iu nënshtruan tamponëve mëngjesin e sotëm dhe asnjë lojtar i ekipit të parë nuk ka rezultuar pozitiv.
Një lajm që çliron trajnerin Gennaro Gattuso, teksa vetëm një futbollist i ekipit të rinjve ka rezultuar i infektuar me Covid-19, lajm që Napoli e konfirmon me anë të një postimi në Twitter.
Tutti negativi al Covid-19 i tamponi effettuati stamattina ai componenti del gruppo squadra. Manca solo il tampone di Stanislav Lobotka che non è stato ancora elaborato. Risulta positivo al Covid-19 un calciatore appartenente alla rosa della Primavera.
— Official SSC Napoli (@sscnapoli) October 7, 2020
Në komunikatën zyrtare theksohet se vetëm përgjigja e Stanislav Lobotkës nuk ka dalë ende. Laboratori mjekësor po e përpunon dhe mesfushori sllovak shpreson që të rezultojë negativ.
Infektimet e polakut Zielinski dhe maqedonasit Elmas, shkaktuan panik tek ekipi i Gattusos, teksa u anulua edhe sfida e fundjavës në kampionat kundër kampionëve të Juventusit.
