Humbja në derbi ishte një goditje e rëndë për Milanin, që tashmë e sheh veten edhe më larg nga objektivi për të arritur në zonën Champions. Stefano Pioli deri më tani ka arritur 8 fitore, 5 barazime dhe 5 humbje në stolin e Milanit, ndërsa kuqezinjtë tani e shohin veten plot 10 pikë larg Atalantës.
Sipas mediave pranë klubit kuqezi, strategu italian ka firmosur deri në verën e 2021-shit me Milanin dhe drejtuesit nuk i kanë vënë kusht kualifikimin në zonën Champions, por tani është e qartë që nëse kuqezinjtë nuk renditen në katërshen e parë tekniku nuk do të konfirmohet për verën e ardhshme.
Momentalisht alternativa e përfolur për të pasuar Piolin është ajo e gjermanit Ralf Rangnick, që pritet të vijë me rolin e dyfishtë të trajnerit dhe drejtorit sportiv, pas një eksperience të njëjtë te gjermanët e Leipzig.
Megjithatë së fundi ka dalë në skenë edhe rikthimi i bujshëm i Massimiliano Allegrit, i cili ka drejtuar kuqezinjtë edhe në periudhën 2010-2014, duke i dhënë titullin e fundit kampion. Massimiliano Allegri është i papunë që prej verës së kaluar kur u largua nga Juventusi dhe ndonëse shumë klube kanë marrë informacione për të, ai vendosi që të qëndronte.