Andrea Pirlo e ka shijuar fitoren e bardhezinjve 4-1 kundër Spezias. Strategu i ri i ekipit torinez nuk i kurseu fjalët e mira për Ronaldon, i cili me hyrjen e tij në fushë, ndryshoi fatin e ndeshjes.
“Kemi zhvilluar një ndeshje të mirë, edhe në pjesën e parë ndërtuam shumë. Duhet ta mbyllnim më parë me rastet që kishim. Në pjesën e dytë u futëm me ritmin e duhur, Ronaldo na dha një dorë. Dybala? Zhvilloi një ndeshje të mirë. I mungon disi kondicioni fizik, por po rritet dhe do ta presim. Është ende shpejt për ta parë në sulm me Ronaldon dhe Moratën.
Gjëja ku duhet të bëjmë mirë është që të avancojmë disi më përpara. Të bëjmë 5 metra, në mënyrë që të mos të jemi të detyruar që të kthehemi 70 metra pas për të rimarrë topin”, deklaroi Pirlo për “Sky Sport”. /R.Lika-Koha Jone/
