Pirlo: E dija për takimin Allegri-Agnelli, do zbresim në fushë si gjithmonë!

Pas 6 muajsh më në fund do të luhet ndeshja e javës së tretë mes Juventusit dhe Napolit. Skuadra po kalojnë një moment të kundërt, me ekipin e Pirlos që po has shumë vështirësi, ndërkohë që Napoli gëzon një formë fantastike. Zërat për një kthim të mundshëm të Allegrit ndoqën njëra-tjetrën pas një darke mes ish-trajnerit dhe presidentit Agnelli.

“Futbolli është një gjë, miqësia shkon shumë përtej. Presidenti më kishte paralajmëruar për këtë. E di besimin i tij, edhe pse do të varet nga unë për të provuar se mund të jem përsëri trajner i Juventusit vitin e ardhshëm.

Kam kontakt të përditshëm me presidentin, themi gjithnjë gjërat që ndodhin. Isha në dijeni të takimit. Do të jetë një ndeshje e rëndësishme për klasifikimin, Napoli po përjeton një moment pozitiv. Ne duam të bëjmë një ndeshje të madhe e të përpiqemi të bëjmë pikë, pres një ndeshje të hapur e shpresoj të bukur.

Një shigjetim për Napolin megjithatë nuk ka munguar, duke i treguar klubit të De Laurentiis se pavarësisht lojtarëve të infektuar me Covid, mes të cilëve Bonucci, Bentancur e Bernardeschi, bardhezinjtë do të jenë në fushë. E drejtë që të luhet nesër? Ne respektojmë protokollin si gjithnjë e jemi në sintoni me atë që thotë ATS. Do të prezantohemi në fushë, si kemi bërë gjithnjë”, deklaroi Pirlo.