Nga grumbullimi i Francës, Paul Pogba është rikthyer që të flasë për të ardhmen e tij. Mesfushori i United shpesh herë është lidhur me një transferim të mundshëm te skuadra e Real Madridit.
“Shumë gjëra janë thënë. Çfarë mund të them? Sigurisht që të gjithë lojtarët do të donin të luanin për Realin. Do të ishte një ëndërr. Një ditë përse jo”. Tani jam te United dhe e dua këtë klub. Do të jap gjithçka për t’u argëtuar këtu dhe ta dërgoj klubin atje ku e meriton.
Rinovimi? Kanë folur shumë, por jo unë. Preferoj që të mbetem i përqendruar në lojë dhe mbi të gjitha për rikthimin tim. Nuk kam folur me Ed Woodward (Ceo i klubit të United). Nuk kemi folur për rinovim. Mendoj vetëm për t’u rikthyer në formën time më të mirë.
Mendoj se do të vijë një moment kur klubi do të kërkoj që të flasim dhe ndoshta do të më propozojë diçka. Për momentin nuk ka asgjë dhe nuk mund të flas për diçka që nuk e njoh”, deklaroi Pogba. /R.Lika-Koha Jone/