Policia bastis zyrat e Barcelonës, arrestohet Bartomeu

Josep Maria Bartomeu është arrestuar nga policia spanjolle për përfshirjen e tij në skandalin e fushatës së ‘Barcagate’ gjatë kohës së tij si president i klubit. Bartomeu është një nga tre personat që janë arrestuar deri më tani, me CEO të Barcelonës Oscar Grau dhe shefin e shërbimeve juridike Roman Gomez Ponti dy të tjerët.

 Të hënën në mëngjes, policia ka hyrë në zyrat e Barcelonës, ka mbledhur prova dhe ka kryer arrestimin. Kujtojmë se Bartomeu ishte një nga figurat, i cili u konfliktua me Messin në lidhje me ekipin.

Mediat spanjolle shkruajnë se operacioni ishte i lidhur me ‘Barcagate’ të vitit të kaluar, në të cilin zyrtarët e klubit u akuzuan për fillimin e një fushate shpifjesh kundër lojtarëve aktualë dhe ish-lojtarëve që ishin kritikë ndaj klubit dhe presidentit të atëhershëm Bartomeu.