Presidenti i Portës: Për shkak të pandemisë humbëm 147 milionë euro

Presidenti i Portos, Pinto da Costa, ka deklaruar në një intervistë për kanalin e klubit se para pandemisë së koronavirusit, klubi kishte arritur marrëveshje për transferime futbollistësh që arrinin vlerën 150 milionë euro.

“Kam lexuar fragmente nga një intervistë e Presidentit të Benficës që tha se për shkak të pandemisë humbi mundësinë për të shitur dy lojtarë për 200 milionë euro. E njëjta gjë ka ndodhur edhe te ne.

Kishim mbyllur disa marrëveshje në vlerën e 147 milionë eurove, por tani gjithçka u anulua, për shkak të krizës së shkaktuar nga pandemia. Nuk e di nëse klubet e mëdha do të jenë sërish gati të paguajnë të njëjtat shifra për ata lojtarë”, tha Pino Da Costa.