Presidenti i Veronës: Kumbulla është futbollist për 10 ekipet më të mira në botë!

Presidenti i Veronës, Maurizio Setti së fundmi ka folur për të ardhmen e Marash Kumbullës. Në një intervistë për gazetën “QS” numri 1 i Veronës ka pranuar se në drejtim të klubit kanë ardhur shumë oferta për talentin shqiptar, i cili ka shpërthyer me paraqitjet e tij në sezonin e fundit të Serie A.

“Na kanë mbërritur shumë oferta, të gjitha nga klubet elitare. Ne kemi besuar gjithmonë te aftësitë e Kumbullas dhe kemi refuzuar oferta të rëndësishme kur lojtari ka qenë pjesë e skuadrës Primavera. Si profil dhe për mënyrën sesi sillet në fushë, Marash Kumbulla është një lojtar për 10 skuadrat më të mira në botë”, deklaroi Maurizio Setti.

Në ditët e fundit ka pasur një ofertë konkrete nga Lazio, por Verona deri më tani ka bërë rezistencë, duke hedhur poshtë çdo propozim.