Presidenti Meta uron atletin, Matvei Petrov, që shpalli Shqipërinë për herë të parë kampione Europe

Presidenti i Republikës, Ilir Meta, ka uruar atletin Matvei Petrov, i cili si përfaqësues i Shqipërisë u shpall kampion Europe në gjimnastikë, në Kampionatin Europian të gjimnastikës artistike që u mbajt në Mersin të Turqisë.

“Urime të përzemërta atletit tonë, Matvei Petrov, për shpalljen e Shqipërisë, për herë të parë, Kampione Europe në Gjimnastikë! 👏
Një sukses i merituar dhe një ngjarje e madhe historike për sportin shqiptar, që meriton vlerësimet më të larta!
Le të shërbejë ky rekord, për ringritjen e gjimnastikës tonë, që ka patur një traditë të shkëlqyer.
Urime trajnerit Alon Hasa dhe gjithë atletëve të gjimnastikës për këtë arritje të çmuar, që na bën krenar të gjithëve!”- shkruan Presidenti Meta në një mesazh në Facebook.