Presidenti Nishani e ndoqi ndeshjen tek Ambasada e Zvicrës

Ndërkohë që dy ekipet ndesheshin në fushë, diplomacia ishte në veprim.

Në fakt, ambasada e Zvicrës në Tiranë, kishte hapur dyret e saj për politikanë dhe miq të shumtë të saj, për të ndjekur së bashku ballafaqimin ndërmjet dy kombëtareve në Euro 2016.

Bie në sy prania e presidentit Bujar Nishani, e ministrit Blendi Klosi, e deputetes socialiste Mimoza Hafizi, si dhe e ambasadorit gjerman Helmut Hoffman, të cilët janë pritur nga ambasadori zviceran.

“Futbolli sapo na afroi edhe më shumë: një atmosferë miqësore dhe festive në Rezidencën zvicerane në Tiranë. Mbi 250 të ftuar shijuan ndeshjen e Euro 2016 Shqipëri vs. Zvicër”, – bënte të ditur ambasada.