Prezantohet topi zyrtar i Champions League për fazën finale të kompeticionit

I frymëzuar nga “Rrëfimi i Dy Qyteteve” të Budapestit, topi i ri i UEFA Champions League për fazën me eliminim direkt bashkon traditën dhe modernitetin përmes një palete ngjyrash të gjalla dhe një grafike fluide e dinamike.

Dizajni pasqyron identitetin unik të qytetit pritës, me grafikat ikonike të luanit dhe dragoit të Budapestit, panelet karakteristike të bardha në formë ylli si dhe branding-un në ngjyrë të verdhë të adidas dhe UEFA Champions League.

Topi do të debutojë për herë të parë në fushë gjatë fazës me eliminim direkt të UEFA Champions League dhe do të përdoret deri në Finalen e madhe të kompeticionit, e cila do të zhvillohet në Budapest më 30 maj 2026.

Përtej estetikës, topi plotëson standardet më të larta të performancës së nivelit elitar. I ndërtuar me teknologjinë e provuar të adidas-it, me strukturë të termosalduar dhe pa qepje, Topi Zyrtar garanton saktësi, qëndrueshmëri dhe kontroll të jashtëzakonshëm.

Ai është prodhuar për të përballuar shpejtësinë, precizionin dhe intensitetin maksimal që karakterizon futbollin e UEFA Champions League, duke ofruar performancë optimale në çdo nivel të lojës.