Princi William i është bashkuar urimeve për Harry Kane pas triumfit të sulmuesit të Bayern Munich në garën për Topin e Artë. Kapiteni i Anglisë është vlerësuar për lidershipin dhe cilësitë e tij në fushën e lojës.
Princi William ka përgëzuar Harry Kane për fitimin e Topit të Artë, duke e cilësuar sulmuesin anglez një “kapiten të jashtëzakonshëm” dhe një “futbollist të jashtëzakonshëm”.
Kane, i cili më parë ka luajtur për Tottenhamin dhe aktualisht aktivizohet te Bayern Munich, ka marrë urime nga figura të rëndësishme të futbollit dhe jo vetëm, pas suksesit të tij në çmimin individual më prestigjioz të këtij sporti.
Edhe trajneri i kombëtares angleze, gjermani Thomas Tuchel, ka shprehur entuziazmin e tij për triumfin e sulmuesit. Ai e cilësoi këtë sukses një “nder të madh”, duke vlerësuar arritjen e kapitenit të “Tre Luanëve”.
Me këtë fitore, Kane bëhet futbollisti i parë i Bayern Munich që fiton Topin e Artë që nga viti 1981, kur çmimi iu dha Karl-Heinz Rummenigge.
Në podiumin e edicionit të këtij viti, vendin e dytë e zuri Kylian Mbappé, sulmuesi i Real Madridit dhe i kombëtares franceze, ndërsa talenti i Barcelonës dhe i Spanjës, Lamine Yamal, u rendit në vendin e tretë.