PSG bën gati një ofertë të çmendur për rinovimin e Mbappe

Paris Saint-Germain nuk ka ndërmend të privohet nga Kylian Mbappe. Kontrata e 22-vjeçari do të skadojë pas një viti e gjysmë (qershor 2022). Nëse sulmuesi nuk do të rinovojë me francezët, atëherë klubi do ta shesë, për të mos rrezikuar që ta humbasë me kosto zero.

PSG i ka ofruar Mbappe një kontratë të re me një rritje të rrogës, por lojtari nuk nxiton të nënshkruajë. Por, sipas zërave që vijnë nga Franca, klubi po përgatit një ofertë rekord: 60 milionë euro, plus bonuse.

Një shifër që do ta bënte lojtarin më të paguar në botë, duke kaluar Leo Messi-n (mbi 40 milionë euro rrogë) dhe duke lënë shumë mbrapa shokun e tij të skuadrës Neymar (28 milionë euro) dhe Ronaldo (31 milionë euro). Situata ndiqet me shumë interes nga Real Madrid dhe Liverpool, dy klube që kanë patur kontakte me futbollistin.