PSG dhe Barcelona janë gjysmëfinalistet e para në Champions League, pësojnë humbje “pa zarar”
Janë përcaktuar dy skuadrat e para që kalojnë në gjysmëfinalet e Champions League: Paris Saint-Germain dhe Barcelona. Të dyja skuadrat u mposhtën në ndeshjet e kthimit çerekfinale, por falë fitoreve bindëse në sfidat e para, ia dolën të avancojnë më tej në turneun më prestigjioz të klubeve.
Dortmund 3-1 Barcelona (rezultati i përgjithshëm: 3-5)
Në “Signal Iduna Park”, Borussia Dortmundi u përpoq të rikthehej nga disavantazhi i thellë 4-0 që pësoi në “Camp Nou”, duke triumfuar 3-1 ndaj katalanasve. Guirassy ishte protagonist me dy gola, njëri nga penalltia, por shpresat e gjermanëve u shuan kur Bensebaini realizoi autogol në minutat e fundit. Barcelona, me epërsinë e ndjeshme nga ndeshja e parë, kalon në gjysmëfinale ku do të përballet me fituesin e çiftit Inter – Bayern.
Aston Villa 3-2 PSG (rezultati i përgjithshëm: 4-5)
Në “Villa Park”, Aston Villa zhvilloi një ndeshje spektakolare ndaj PSG-së, duke fituar 3-2, por nuk ia doli të çonte përballjen në shtesa. Parizienët ishin të saktë në sulm, me Hakimin dhe Mendes që shënuan, ndërsa skuadra e Unai Emery reagoi furishëm me golat e Tielemans, McGinn dhe Konsa. Megjithatë, avantazhi i fituar në Paris (3-1) ishte i mjaftueshëm për skuadrën franceze, që tashmë pret të mësojë kundërshtarin e gjysmëfinales mes Real Madridit dhe Arsenalit.
